Plantun de Prouvènço

Pèr coumpara dos planto d'encò nostre

Lindernia dubia & Grimmia orbicularis

Lindernia dubia

Lamiaceae Labiaceae

Noms en français : Fausse Gratiole, Lindernie douteuse.

Descripcioun :
Aquesto planto de l'an, que nous vèn d'Americo de l'uba (siècle XIXen), trachis dins li risiero e en ribo de ribiero. Èi proun primo emé de fueio óupousado e de pichòti flour que lou pecou sèmblo coume pausa sus le fueio dóu meme biais que li cabrifueio. I'a 4 estamino que dos soun esterlo (estaminodo).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 30 cm
Fueio : óupousado
Tipe bioulougico : Teroufite
Cicle bioulougico : Planto de l'an

Gènre : Lindernia
Famiho : Lamiaceae
Famiho classico : Labiaceae

Ordre : Lamiales

Coulour de la flour : Roso
Petalo : irreguliero
Ø (o loungour) flour : 3 à 6 mm
Flourido : Estiéu - Autouno

Sòu : Ca
Autour basso e auto : 0 à 400 m
Aparado : Noun
Juliet à óutobre

Liò : Risiero - Ribiero - Aigo
Estànci : Mesoumediterran à Coulinen
Couroulougi : Óurigino Americo dóu Nord
Ref. sc. : Lindernia dubia (L.) Pennell, 1935

Grimìo-di-boursèu-redoun

Grimmia orbicularis

Grimmiaceae

Nom en français : Grimmie orbiculaire.

Descripcioun :
Aquesto mousso coumuno dóu gènre Grimmia trachis en couissin gris, sourne e redoun sus li roucas cauquié. Coume quàsi tóuti li mousso dóu meme gènre si fueio soun acabado pèr uno longo ciho ialino. Fai eisadamen d'espouroufite clina que de verd devènon aranjo.

Usanço :
Se destrìo de Grimmia pulvinata, enca mai coumuno, bonodi soun urno redouno (acabado emé uno pouncho pèr Grimmia pulvinata) e subretout au microuscope que si celulo de baso de fueio soun 4 à 8 cop pu longo que larjo (quàsi carrado pèr Grimmia pulvinata). Coumpara emé la grimìo-en-couissin que ié sèmblo proun.